Fjellblom IL er
ingen stor klubb, men driv forholdsvis aktivt med ski. Klubben har tilhald i sørre
delen av Vang kommune i Valdres (http://www.vang.kommune.no).
Me har omlag 150-160 medlemmer. Med dugnadsinnsats, kommunal støtte og
spelemidlar har me fått oss ei 2 km lysløype med breidde til både klassisk
og skøyting. Vidare har me bygd skileikanlegg og klubbhus. Alt dette i
tilknytning til småskulen og barnehagen i området, Åsvang. Før jul kjøpte
me oss med kommunal hjelp ei brukt Prinoth T2 løypemaskin. Me har innleidd
eit samarbeid med Filefjell reiseliv (http://www.visitfilefjell.no)
om løypekjøring i vårt område, i alt ca. 40 km.

 

Me arrangerer
kretsrenn før jul kvart år og har lysløyperenn med rundetelling (ikkje
tidtaking) kvar onsdagskveld. Mellom 50-100 møter fram kvar gong.
Klubbrenn og samarbeid med 4H om skisportens dag står også fast på
programmet. Skitrening for dei yngste har me ein kveld i veka. Herretrim,
volleyballtrening og svømming står også på vekeplanen. Sommarstid har me i
to år no arrangert eit terrengløp – Kongevegtrimmen – mellom Åsvang og Høre
skule.

 

I to år no har
me som einaste lag frå Valdres delteke i stafett-NM med godt resultat. I år
er dessverre unggutane våre spreidde for «alle vindar», og me må i
staden satse på den oppveksande generasjon om nokre år! Me har også to
framifrå løparar i den litt meir eldre garde som oppnår gode resultat i
veteran samanheng, ikkje minst i VM.

 

Heimesida vår er
basert på ei gratisløysing gjennom Klubben Online, og er å finne på denne
adressa: http://www.n3sport.no/organisation.asp?orgelementid=63437

 

 

Mvh

Nils Rogn

[email protected]

Klubb	Kontaktperson	Hjemmeside
Fjellblom IL	Nils Rogn	Klikk her!!